001-234-567-8910

5th Avenue Madson, NY758, USA

Get Update on our recent Gadgets & Tabs

Add this

Add this

Web Design Agency Nigeria https://www.ads54.com/ad/a/10595_4daf76b52369930

Add this

Website Value Calculator - Domain Worth Estimator - Buy Website For Sales

Add This

SHIN SU WAYENE MASOYAN ANNABI?




1. Wai su wayene

Masoyan annabi ?

A

Munasabar hafla na uku



Na

Abu Ibrahim baba gana abubakar Muhammad

(Sibawai)





مَكْتَبَــــــةُ شَوَكَتْ لِنَشْرِ الدِّينِيَّاتِ

G.s.m: 08027789545

G.s.m: 07066627321

E mail: sibawai2@gmail.com

Facebook: idris abubakar muhammad

Wazob (whats app)  08027789545



BUGAWA: 26-4-1440 hijiriyya

Daidai da 2-1-2019



بلغوا عني ولو ءاية







2

بسم الله الرحمن الرحيم

Dukkan yabo da godiya sun tabbata ga Allah wanda yace ya kai annabi kace musu indai da gaske kuke son Allah da manzonsa to ku bini (ni annabi s.a.w.) sai Allah ya souk kuma ya gafarta muku zunubbanku.       

     Tsira da amincin Allah su kara tabbata ga manzon tsira wanda yace dayanku bazai yi cikekken imaniba har sai abinda cuciyansa take so yayi daidai da abinda nazo dashi (na Alkur’ani da Hadisi).                   

                           

 Bayan haka yauma kamar kullum na shigo wannan maktabar tamu wanda muka sake mata suna da shawakat li nashriddiniyyat domin in tunatar da ’yan uwa musulmai game da wani abu mai muhimmanci wato shine matsalan son annabi domin wanda kowa yake ikirarin cewa yana son annabi s.a.w. wanda kowa yake da’wa amma alal hakika in anga aikinmu kuma ba na annabiba kawaidai wani abu mukeyi amma kuma kowa yana cewa shine na annabi dan izala a wajen wa’azinsa ko hafla ko koyarwa sai ya dinga cewa ai mune na annabi wadannan ‘yan darikan su baza su sha ruwan alkausaraba haka kuma shima dan darika sai ya tara mutane a wajen Maulidi ko zikiri yana cewa ai mune na annabi wadancan ‘yan izalan makiya annabine mabiya yahudawane shima dan shi’a sai ya tara mutane a ranar Ashura ko lokacin muzahara sai ya dinga cewa mune masoya annabi da iyalan gidansa sauran mutanenda basa shi’anci duka makiya manzon Allahne kowa yana cewa shine na annabi amma kuma annabi bai tabbatar musu da wannan ikirarinba har sai sunyi aiki kamar yadda wani mawaki yake cewa:-                                                                 

                         

وكُلٌّ يَدَّعِي وَصْلًا بِلَيْلَى ... ولَيْلَى لَا تُقِرُّ لهم بِذَاكَا                                                                                                 

ma’ana: kowa yana cewa shine masoyin Laila amma kuma laila batace tana sonsuba.                                   

     To kamar haka sai kaga kowa yana cewa shine masoyin annabi s.a.w. amma kuma kowa baya son yin aiki irin na annabi s.a.w. din su ‘yan shi’a kam da suka fi kowa baki cewama sukayi ‘yan shi’a sunema kadai ahlussunnah masoyan annabi banda wasu kamar yadda wani kuikuyonsu ya rubuta.                         

                     



     Don hakanema annabi s.a.w. yace dukkan wanda yake laifi amma kuma yana jin kunya yana boyewa to a daina fallasa asirinsa amma kuma dukkan wanda yake laifi sannan kuma yana fitowa fili baya jin kunyan kowa annabi s.a.w. yace wannan bashi da wata alfarma don an fadi laifinsa ko an zagesa a wani hadisinma annabi s.a.w. yake cewa kunya tana daga cikin imani a wani hadisin kuma yake cewa indai baka da kunya to kayi abinda kaga dama.                             









3

Su kuma mutanen duniya wadanda basu yi karatuba kullum su suna amfanine da abinda yawancin mutane sukeyi koda ba daidaiba don haka sai kaga kullum suna duba yawan mutane da taruwansu misali in anga wasu mutane suna wani abu kuma suna da jama’a shikenan sai ace shine daidai wannan kuma ba hujja bace don hakanema Allah yake cewa:-                           ”وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُون“

ma’ana: indai zaka bi yawancin mutanen duniya zasu batar dakai daga barin hanyar Allah saboda babu abinda suke bi sai zato sannan kuma suna kame-kamene kawai (ba bin hanyar Allah sukeba).                  A wata ayarma Allah cewa ya yi:-                             

”وَمَا أَكْثَرُ النَّاسِ وَلَوْ حَرَصْتَ بِمُؤْمِنِينَ“

ma’ana: yawancin mutane basa zama masu imani koda kana kwadayin su zama.



     Kunga ashe yawa bashine yake nuna son annabi s.a.w. ko kuma yin daidaiba ya zama dai akwai aiki a wajen masu magana da fada wai ba girin-girinba tayi mai don haka koda kun yaudaru da yawanku da yawan mabiya indai ba aiki to aikin banzane domin wannan matsalan har daluban ilimima suna fadawa a ciki misali irin yadda muke yin hafla a makarantunmu in kace ba daidai bane sai ace yanzu kowa yanayin haka dukkan makarntu suna yi amma kai kace ba daiaiba to kunga su hujjansu shine yawa.                                 

                                               

Wasu kuma sai kaga a baki sunfi kowa son annabi amma kuma inkaga aikinsu suda Benyeme-tanyaho banbancinsu shine musulunci wannanma aikin banzane domin duk lokacinda kace kana son wani amma kuma baka yin abinda yake so to karya kake baka sonsi don hakane wani mawaki yake cewa:-          تَعْصِي الألَه وَأَنْتَ تُظْهِرُ حُبَّهُ ...هَذَا محَالٌ في الْقِيَاسِ بَدِيعُ

لَوْ كانَ حُبُّكَ صَادِقاً لأَطَعْتَهُ ...إنَّ الْمُحِبَّ لِمَنْ يُحِبُّ مُطِيعُ

ma’ana: Kana sabon Allah da manzonsa sannan kuma kace kana sonsu ai wannan abune wanda ba’a taba yin irinsaba indai da gaske kake son Allah da manzonsa da kayi musu biyayya domin duk wanda yake son wani to dole yayi masa biyayya.







4

To don haka indai har mutim yace yana son annabi s.a.w. to dole aikinsa yayi daidai da irin na annabi s.a.w. kuma aga yana koyi da masoyinshi misali kamar yadda dayawa daga cikin samari suke zaka ga in yana son wani dan kollon kafa kamar ace Ronaldo ko Mesi ko waninsa sai kaga har rigan jikinsama yafi so ya saka irin na wadancan yahudawan saboda yana sonsu wanima sunansama zai canza daga Muhammadu ko Musa ko Isa ya koma Mesi saboda yana sonsu wani askin kansama sai ya dinga yin irin na wannan dan kollon wannan shine soyayya na gaske.                       

     Haka kuma yadda mata suke yi in suna son wata daga cikin ‘yan shirin hausa sai kaga suna dinki irin nasu kolliya irin nasu saka sutura irin nasu watama har har hotunansu zaka ga suna mannawa a jikin wayansu ko ajikin kwanukansu na talla ko a jikin kobet na daki da sauransu saboda suna sonsu daga baki harzuciya sannan kuma sai kaga dukkan labaran wadannan masoyan nasu sun sanshi kakab zaka ga saurayi yana baka labarin wani dan bol kamar sun zauna agida daya kaji yana cewa an saye shi dala kaza ko yiro kaza sannan yana daukan kaza a kowane wata sannan yana da mata da ‘ya’ya kaza sannan kuma shekarunsa kaza duk wani abinda ya shafesa ya riga ya haddace in kuma matane suma sun haddace dukkan abinda ya shafi masoyansu na shirin hausa sai kaji suna cewa sunanta wance sunan babanta kuma wane amma anfi saninta da wance sannan ita asalinta ‘yar gari kazane ta taba yin aure tana da yara kaza duk ta haddace saboda tana sonta to haka ake so mutum ya san masoyinsa kuma ya zama yana koyi dashi a cikin komai kuma yana son dukkan abinda yake da alaka dashi na suturane ko magana ko wata mu’amala.       



     To amma sai kaga ana son a saka kayan Ronaldo ko Mesi amma ba’a son na annabi asalima abinda annabi baya so shi mukeyi sai kaga mutum yana sauraron wake-wake da kade-kade sannan ga yawan gulma da karairare ga zalumci ga zamba cikin aminci ga cutan mutane da fada da makobta ga cin bashi ko danne kudin mutane ga algussu a cikin kasuwanci ko tauye mudu da sauranssu amma kuma in aka zo maganar son annabi sai yace ai shima masoyin annabine.                 



5

In dan darikane sai kaga yana ta tabka wadannan abubuwanda muka fada dinnan amma in shekarar haifuwar annabi ta zagayo sai yazo yana ta salati yana kuka yana cewa shi masoyin annabi wai annabi zai ceceshi bayan kuma dukkan abinda masoyin nashi ya hana shi din ba bi yake yiba kai abin haushi ko takaicima sai kaga har Maulidinma ba irin yadda magabata daga cikin iyaye da kakanni suke yi sukebiba sai kaga wani abinsu daban sukeyi sai kaga yanzu har anko ake yi akawo DJ ko manyan sifiku a zuba a jikin mota ko amalanke ahada mata da maza waje daya ayi ta cashewa shikenan sai ace wannan shine son annabi daga an gama kuma sai a koma aci gabada sabon Allah ba ji ba gani.                               

                               

     Amma da ace Maulidinma irin yadda iyayenmu da kakanninmu suke yi haka sukeyi da sai ya zama dama-dama wai dan sarki akan jaki domin su mutanen da ba rawa da waka da kida da hayaniya da manna hotuna sukeyiba sudai salatin annabine da da karanta tarihin annabi da mu’ujizozinsa da waken yaba annabi da sauransu sukeyi amma na yanzufa wallahi wani abinsu daban suke yi da sunan son annabi in mutum yana so yaga Maulidi na gaske to shine irin wanda ake yi a gidan shehu kamar yadda kowa yana gani a TV  wannan shine Maulidi na gaske amma irin wanda samari da ‘yan mata ko malaman islamiyya suke a cikin anguwanninnan wallahi ba Maulidi bane ballema ya zama son annabi asalima rusa Maulidin gasken sukeyi amma kuma yawancin malamansu basa fada musu gaskiya sai mutane guda biyune kacal a cikin garinnan wanda suke fadan kura-kuran muridansu sune Sheikh Sheriff Ibrahim Sale wanda na karanta lakcanda yayi akan irin wadannan kura-kuranda muridai suke yi wandama yana cutarda darikarma da kanta sannan sai Sheikh Tijjani Umara shima yana iya kokarinsa in yana wa’azi yaga ya fada musu gaskiya amma kuma basa ji wasuma har zaginsu zaka ji suna yi wai suna goyan bayan ‘yan Izala alhali kuma gaskiya suke fada musu domin Shehu Tijjani da kansama cewa yayi: idan kuka ji ance nace abu kaza to ku godata da Kur’ani da Hadisi in tayi daidai sai kuyi aiki da shi in kuma ta saba sai ku bari karya akayi min to amma ina masu bin maganan shihi din?.                 



6

Sannan kuma muma ‘yan izalan wataran muna yin abinda za’ace gwarama dan darikanma saboda zaka ga mutum yana da’awar son annabi da sunnah amma aurensa da sunansa da jana’izansa da mu’amalansa da kasuwancinsa duka ba irin na annabiba iri daya da na ‘yan bidi’an amma kuma sai yace mune masoyan annabi don haka irin wadannan sunema suke bata sunan sunnar annabi dinma ko sunan ‘yan izala alhali kuma su sunyi hannun riga da sunnan da izalan duka  saboda in suka yi barna sai ace ai ‘yan izalanma suna yi ko ace ahlussunnama suna yi saboda su mutane kullum in sunga mutum ya daga wando ya bar gemu yana ashiwaki sai su dauka kawai shine ahlussunnah ko dan izala don haka da zaran yayi laifi sai ace ahlussunnah suni ko yan izala sunyi kuma idan malamai na kwarai masu son sunnan sukayi magana sai su dinga cewa ai shi malan wanenma ai yanzu ya juyawa gaskiya baya ya koma izalan bangare kaza kuma yana magana akan abinda bai saniba kumafa mai fadan hakan shi ba malami bane kawai de gama garin musulmine amma ya dan iya tada baki kuma ya dauki siffar malamai sai kaji yana sakin harce akan malamai kawai don an taba laifinsa wani malamin kuma in ya fada musu gaskiya sai su dinga cewa ai shi malan wanennan dama bashi da fuska yana takurawa mutane yana takurawa dalubai da sauransu to wallahi kuma in dagaske annabin kuke so kuma izalan kuke yi to sai kun yarda da abinda ake fada muku kunyi aiki  domin son annabi aikine ba surutuba kuma bazai yiwu kace kana son annabi sannan kuma baka da banbanci da sauran mutanen gariba kuma ka koma gefe kace wai kaine masoyin annabi su kuma‘yan bidi’a ko ‘yan wuta wallahi wannan ba adalci bane to kowa ya sani cewa son annabi aikine ba cacan bakiba sannan kuma son annabi bai tsaya akan salla da azumi da yin Maulidi da sauransuba dole sai ka bawa annabi s.a.w rayuwarka gaba daya don hakanema                            قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ Allah yace:

ma’ana sallata da sauran ibaduna da dukkan abinda nakeyi a rayuwata da abinda zan mutu akai duk na Allah ne.to duk wanda yayi haka sine masoyin annabi dan izalane shi ko dan darika ko zauna-gari-banza to anan zan dakata sai Allah ya hadamu a wani karo.                                     

               Wassalamu alaikum                           

 #Bintubetv #History

No comments:
Write comments

Hey, we've just launched a new custom color Blogger template. You'll like it - https://t.co/quGl87I2PZ
Join Our Newsletter