001-234-567-8910

5th Avenue Madson, NY758, USA

Get Update on our recent Gadgets & Tabs

Add this

Add this

Web Design Agency Nigeria https://www.ads54.com/ad/a/10595_4daf76b52369930

Add this

Website Value Calculator - Domain Worth Estimator - Buy Website For Sales

Add This

[AHLUS SUNNAH] SHIN WAYENE AHLUS-SUNNAH?


Wai wayene
Ahlussunnah ?
 A
Munasabar hafla na uku

Na
Abu Ibrahim Baba gana Abubakar Muhammad
(Sibawai)


مكتبة شوكت لنشر الدينيات
G.S.M:- 08027789545
G.S.M:- 07066627321
Email:sibawai2@gmail.com

Bugawa:
25-4-1340
1-1-2019

بلغوا عني ولو ءاية



2
بسم الله الرحمن الرحيم
Dukkan yabo da godiya sun tabbata ga Allah wanda yace kuyi aiki domin Allah yana ganin aikinda kuke yi sannan mazansa zai gani da kuma sauran muminai.     
Tsira da amincin Allah su kara tabbata ga fiyayyen halitta wanda yace duk wanda aikinsa ya jinkirtar dashi shiga aljannah to dangantakansa bazai shigar dashi aljannaba.                             
                                                             
 Bayan haka ina kara yi muku sallama a wannan maktabar tamu wanda muka sake mata suna da maktabatu shawakat li nashriddiniyyat domin gabatar muku da wata ‘yar makala mai taken wai wayene ahlussunnah domin mu rabata a wajen haflanmu na saukan Alkur’ani kuma na zabi wannan maudu’inne saboda irin yadda naga dayawa daga cikin ahlussunnah sun dauka cewa sunnah itace kadai a yanke wando zuwa kwauri a bar gemu a daura hannu akan kirji a cikin sallah a dinga goge baki da ashiwaki a dinga zuwa wajen wa’azi da karatu da sauransu mata kuma sun dauka cewa sunna itace kawai a saka hijabi da nikabi da safa sannan a dinga zuwa makarantun mata Alhamis da Juma’a ko a Asabar da Lahadi shikenan ya isar don haka sai kaga yawancin wadanda suke aikata abubuwanda na lissafa dinnan shikenan sun dauka sune kadai ahlussunnah sauran mutane kuma ‘yan bidi’ane to shine naga ya dace a fadakarda mutane cewa menenema ma’anar sunnan sannan kuma su waye ahlussunnah.                                       
                                                     
     Domin rashin fahimtar ma’anar sunna ta sa sai ka tara ahlussunnah guda dari amma da wuya ka cire ahlussunnah guda goma a cikinsu wannan matsalan kuma ba ta tsaya bane akan mutanenda basu da ilimiba harma ta zarce kan wadanda suke da’awar suna da ilimi ko kuma su daluban ilimine sannan harma da wasu daga cikim malaman islamiyya wadanda babu wanda ya dace yabi sunnan annabi s.a.w. daidai kamarsu amma kuma sai kaga su sunfi kowa nisantar sunna amma kuma sunfi kowa ikirarin sunnantaka aso dayawa zakaga dalubin ilimi yana cewa shi ahlussunnane amma kuma aikinsa sunyi hannun riga a irin aikin ahlussunnah nesa ba kusaba misali
   


3
Zaka ga daluban ilimi masu koyarda mutane a makarantu amma sai kaga sun zauna a majalisa basu da aiki sai gulma da kire da kazafi da sauransu duk inda kaga su biyu zuwa uku sun kebe sai kaga suna magana akan wani ko kuma kaga sun kakkasu kamar gumba biyu anan uku a can hudu a gefe amma kuma kowane bangare maganan daya bangaren sukeyi suna zagin junansu sannan kuma ga karya da yiwa mutane kazafi saboda cimma wata manufarsu sannan kuma ga son yin magana da matan mutane da sunan cewa ai dalubanmune suna karatu a wajenmu ko kuma suce ai mun sansu ko kuma ai matar abokinane da sauransu. 
     Kai akwai wani abin haushi da takaicima wanda naga wasu daga cikin malaman islamiyya wadanda suke kiran kansu da suna ahlussunnah sukeyi shine sai kaga mutum yana yawan maganganu da matan mutane da yawan gaisuwa da kallo mara misali in kayi magana sai yace ai da ni zan aureta tukun Allah baiyiba kuma har yanzu tana sona don itacema take fara yi min magana da sauransu kai wanima jagolgolon nasa yakai harma yana cewa  har yanzu ni ban cire tsammani akan wanceba komi daren dadewa inaga zan aureta saboda mun shaku to amma abinda zai baka mamaki wannan yarinyarfa yanzu haka tana gidan mijinta shi kuma yake fadan haka.                     
     To ni kuma in naji irin wadannan maganganun sai zuciyata ta kusan fashewa don haushi har sai naga cewa na fadi wani abu akan wannan abinda sukeyi  a rubuce ko da baki cikin abinda Allah ya sanar dani da kuma abinda muka ji daga bakin malmanmu kuma da zaran ka fadi wani abu sai suce damu yake yana zaginmu to amma sun manta annabi s.a.w. yace dukkan al’ummarsa masu wa’azine indai har mutum ya kalli abinda bakyau to kodai ya hana karfi da yaji kodai yayi magana da baki kodai yaki abin a zuciyansa to sai ni naga zan iya magana da baki sannan kuma in rubuta da alkalamina to amma da yake su ba sunnanr suke so subiba sai kaga suna cewa ai muma mun san abubuwanda yake fada dinnan duka yau shekara nawa mun karantasu sai abin ya kara bani haushi saboda yace ya karanta amma baya aiki da ita don hakan ni nakan yawan yin gugan zana harma ince musu ai yanzu in ance ka nemo ahlussunna ai dakayar  zakaashawa sukayi wa annabi s.a.w. cewa tunda yanzu 
                                                                         

4
 Ai yanzu in akace ka nemo ahlussunnah zaka sha wahala domin ahlussunnah sunyi karanci sai masu surutu kawai kowa sai cacan baki ba aiki to sai kaga wadannan marasa gaskiyan sai su fara cewa to yanzu ya fara cewa babu ahlussunnah a duniya don haka bari muyi masa wani sharri sai su shiga mitin su fara irin abinda Kuraishawa sukayi wa annabi s.a.w. lokacinda ya damesu da yawan wa’azi suma sai suke gwadawa akaina wani sai yace muce yana zagin gomnati wani yace a’a muce baya son alluran polio wani yace muce yana zagin malamai wani kuma sai yace yana ga hanya mafi sauki tunda yace ba ahlussunnah sai muce to shi meye akidansa wani sai yace ai koko haramne kawai.                                                                   
To ni kuma sai ince:             
                       وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ
To don haka yaku ‘yan uwa daluban ilimi wannan abinda kukeyi dinnan bashine mafitaba kawai tunda kuna ikirarin ku ahlussunnane kawai kuyi aikida abinda sunnah ta fada ku daina kwana-kwana sannan kuma ni sai yanzuma nasan kaina waye ni saboda dama annabi s.a.w. yace duk lokacinda kace zaka bi gaskiya sannan ka fadawa mutane gaskiya yace sai ka zama bako a cikinsu sannan kuma sai duniya tayi maka kunci.                         
                                                                   
Don haka kowa ya sani cewa ita sunnah ba suaa bace aikine don haka dole sai da aiki ake zama ahlussunnah ba da sunaba sannan kuma kusani cewa ita kalmar ahlussunnah malamai sukace tana nufin dukkan musulmin duniya izalane shi ko dan darika indai musulmin gaskene sunansa ahlussunnah amma ahlussunnah na gaske wadanda annabi yace sune wadanda zasu kubuta a lahira sune masu bin Alkur’ani da hadisi da maganganun malamai magabata na kwarai don hakane malamai sukace ahlussunnah na gaske yana da wasu abubuwanda kamar haka wadanda suka banbantashi da sauran tarukucen ahlussunnah gasu kamar haka:-                                                       
1-bakonta:
ma’ana indai mutum yace zai bi sunnar annabi sau da kafa sai ya zama bako a cikin mutane domin duk abinda yayi sai aga ya sabawa mutane domin yawancin mane ba sunnar annabi na gasken suke biba. 






5
2- suna tsyawa akan Alkur’ani da hadisi kadai da kuma maganganun sahabbai da malamai magabata na kwarai amma basa aiki da al’ada da kuma mun gani ana yi ko an dade anayi ko malan wane yace ba tare da hujjaba ingacecceba.                                 
                                                                         
3- su mutanene ‘yan tsaka-tsakiya cikin komai abin ibadane ko mu’ama kamar akida da sauran ibadu da kuma aure ko suna da sauransu.                 
                                   
4- basu da wani shehi ko jagora wanda suke daukan dukkan abinda ya fada ba tare da daliliba saidai in maganar annabine sannan kuma ingacacce.                   
5- su suna girmama magabata kamar sahabbai da tabi’ai da sauran malamai magabata kamar malaman fikihu da sauransu indai maganarsu bata ci karau da na annabi s.a.w. ba.                                   
                                                           
6- su kullum suna cikin yin umarni da kyakkawa da kuma hani ga barin mummuna kuma suna tsoratar da mutane game da dukkan abinda zai cutar dasu duniya da lahira.                                                                       

7-su abin koyine ga dukkan mutumin kirki mai son gaskiya hakan kuma suna nunawane a aikinsu don mutane su dauki halaye na gari kamar kyan hali da kyauta da taimakon juna da takaita rayuwa da gudun duniya da sauransu a aikace ba da baki ko wa’aziba.                                                               
8- su suna kwadaitar da musulmai akan hadinkai akan bin gaskiya ba raba kan mutane ana cewa wannan izalan bangare kazane wannan kuma na kazaba.           
9- su basa kafirta mutane don kawai su fuce fushin zuciyarsu saidai da hujja da kuma kafa hujja akan wanda za’a kafirtar dashi.                           
                                       
10- su mutanene masu son dukkan wani ahlussunnah dan uwansu basa munafurtan junansu ko suyi musu kazafi saboda wasu manufarsu na duniya kuma soyayyansu da kiyayyansu duk sunayine don Allah ba don duniyaba ko don burge wani ko samu matsayi ko kusanciba.                               
                                                               
                                         

6
11- suna isar da abinda suka sani ga al’ummar annabi duk karancinsa ta dukkan hanyar da ta dace na wa’zine ko rubutu.                       
                                                           
12- suna yin abinda Allah da manzonsa suka yi umarni matukar zasu iya basa daukan wani su bar wani.         
13- su kuma basa roko saidai bayarwa rokon kuma kowane irine na dabarane ko na zahiri saboda annabi s.a.w. baya son roko kuma ya toratar akan roko sosai. 
14- su suna karatu sannan kuma suna aiki da ilimin ba wai zama suke yi suce munyi karatuba amma kuma ba aiki da karatun.                                           
                                                             
15-su basa maganganun ance-sunce da gulma da kire da kazafi da sakawa mutane ido ana cewa wane yana da kudi amma baya taimako wane kuma baya sadaka  da sauransu su kullum abinda zai amfanesu a lahira ko a duniya sukeyi.                         
16- su ba ‘yan duniya bane basa guduwa a bayan duniya sannan kuma basa auranta saidai su rike duniya  da hannun hagu sai su rike lahiransu da hannun dama ta yadda dukkan abinda zai iya kawo musu cikas a lahiransu zasu iya rabuwa dashi koda kuwa ransune.   
17- su suna hada neman duniya da lahira duka amma suna neman duniyane don gina lahira misali suna neman kudi don su gina addini dashi sannan su gina masallaci makaranta taimakon al’ummar da sauransu sannan suna neman kudi don suyi karatu su taimakawa addini amma basa yin karatu don su samu kudi su gina duniya sannan kuma basa yin karatu don ace musu wane ko a basu wani matsayi da sairansu.                   
To a takaice malamai sukace dukkan ahlussunnanda baya kotanta ire-iren wadannan abubuwan to ba’a ce masa ahlussunnah na kwarai saidai ahlussunnah da ma’anarsa mai fadi.                                                     
To zan takaita anan dukkan wanda yake so ya samu bayanai mai yawa sai ya karanta littafinmu mai taken: إفحام الثرثارين العواطل في خصائص أهل السنة العوامل
Wassalamu alaikum


Contacts us with

Info@bintubetv.com.ng 
                 or
whats..  08165999194
www.bintubetv.com.ng

No comments:
Write comments

Hey, we've just launched a new custom color Blogger template. You'll like it - https://t.co/quGl87I2PZ
Join Our Newsletter